Форуми II байналмилалии фарҳангии Роҳи абрешим

Душанбе, 09.09.2015. (АМИТ «Ховар»).-  Аз 13- ум  то 15- уми  сентябри соли равон  дар шаҳри Москваи Федератсияи Русия бо ташаббуси Фонди байнидавлатии ҳамкориҳои гуманитарии кишварҳои ИДМ Форуми II байналмилалии фарҳангии Роҳи абрешим дар мавзӯи «Рушди ҳамкорӣ, коркарди лоиҳаи муштарак дар доираи ҳамкориҳои фарҳангӣ» баргузор мегардад.
 Дар форуми мазкур Тоҷикистонро намояндагон аз Вазорати фарҳанг, Академияи илмҳои Тоҷикистон ва Комиссия оид ба корҳои ЮНЕСКО дар Тоҷикистон муаррифӣ хоҳанд намуд.
Мақсад аз баргузории форум, фароҳам овардани имконият барои намояндагони соҳаи илму фарҳанг, намояндагони ҷомеаи шаҳрвандӣ ва сохторҳои давлатӣ барои  ҳамкориҳои минбаъдаи фарҳангӣ, рушди анъанаҳои миллӣ буда, дар рафти он ҷаласаҳои пленарӣ ва мавзӯӣ  доир мегарданд.