«Истиқлол» ба Майлазия рафт

Душанбе, 14.09.2014. (АМИТ «Ховар»).-Дастаи «Истиқлол”-и Душанбе рӯзи 12 сентябр барои бозии ҷавобии даври чорякниҳоии Ҷоми АФК-2015 бо тими «Паҳанг” ба Малайзия сафар кард.
Ба иттилои ФФТ ҳайати даста аз 16 бозингар-2 дарвозабон, 6 ҳимоятгар, 6 нимҳимоятгар ва 2 ҳамлагар иборат аст.
Ёдовар мешавем, бозии аввали чаҳорякниҳоии Ҷоми АФК байни дастаҳои «Истиқлол» ва «Паҳанг», ки 26 август дар Варзишгоҳи марказии Душанбе баргузор шуд, бо пирӯзии мизбонон- дастаи «Истиқлол» бо ҳисоби  4:0 ба анҷом расид.
Бозии ҷавобӣ 16 сентябр дар варзишгоҳи Дорулмакмури Куантан баргузор мешавад. Дастаи ғолиб дар бозии нимфиналӣ бо ғолиби дастаҳои «Кувайт”-и Кувайт — «Китчӣ”-и Ҳонконг рӯзҳои 30 сентябр ва 21 октябр рақобат мекунад.