Конфронси 25-уми байналмилалии роҳбарони идораҳои зиддимухаддиротӣ оид ба мустаҳкам намудани ҳамкории байналмилалӣ дар Корея
Душанбе, 23.09.2015. (АМИТ «Ховар», Лайло Тоирӣ). -22 сентябри соли 2015 дар шаҳри Чеҷуи Ҷумҳурии Корея конфронси 25-уми байналмилалии роҳбарони идораҳои зиддимухаддиротӣ оид ба мустаҳкам намудани ҳамкории байналмилалӣ (ADLOMICO) оғоз гардид, ки дар кори он роҳбарони сохторҳои зиддимухаддиротӣ аз 27 кишвар ва 8 созмони байналмилалӣ иштирок намуданд.
Дар маросими кушодашавии конфронс директори Агентии назорати маводи нашъаовари назди Президенти Ҷумҳурии Тоҷикистон Рустам Назарзода иштирок намуд. Баъдан дар ҳузури иштирокчиёни конфронс Созишномаи ҳусни тафоҳум оид ба ҳамкорӣ дар соҳаи муқобилат ба маводи нашъаовар ва ҷинояткории муташаккил байни Агентии назорати маводи нашъаовари назди Президенти ҶТ ва Прокуратураи генералии Ҷумҳурии Корея ба имзо расид.
Худи ҳамон рӯз вохӯрии директори агентӣ Р. Назарзода бо Прокурори генералии Ҷумҳурии Корея ва роҳбари Департамент оид ба маводи нашъаовар ва ҷинояткории муташаккили Прокуратураи генералии Ҷумҳурии Корея баргузор гардид. Дар вохӯрӣ масъалаҳои ҳамкории дуҷониба ва рушди минбаъдаи он муҳокима гардиданд.
23 сентябр муаррифинома (презентатсия) оид ба вазъи вобаста ба маводи нашъаовар дар Тоҷикистон, тадбирҳои андешида ва ташаббусҳои Ҳукумати Ҷумҳурии Тоҷикистон дар соҳаи назорати маводи нашъаовар, рушди ҳамкории байналмилалии Тоҷикистон пешкаш гардид, ки мавриди таваҷҷуҳи иштирокчиёни конфронс гардид.
Бино ба иттилои хадамоти матбуотии АНМН, конфронс 24 сентябр кори худро ба анҷом мерасонад.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
