«Корвони китоб- 2015» ба вилояти Суғд меравад
Душанбе, 30.09.2015. (АМИТ «Ховар»).- Бо ташаббуси Вазорати фарҳанги Ҷумҳурии Тоҷикистон ва дастгирии Ҳукумати Ҷумҳурии Тоҷикистон дар доираи «Барномаи давлатии рушди фаъолияти китобдорӣ дар Ҷумҳурии Тоҷикистон барои солҳои 2006- 2015» соли нуҳум аст, ки тавассути КВДТС «Китоб» Ҳаракати фарҳангии «Корвони китоб» дар қаламрави кишвар роҳандозӣ мешавад.
«Корвони китоб»- и имсола аз солҳои пеш бо он тафовут дорад, ки имсол роҳбарияти Вазорати фарҳанги кишвар муассисаҳои нашриявии тобеи вазорат, созмонҳои ҷамъиятӣ ва муаллифони алоҳидаро барои ширкат дар ин чорабинии фарҳангӣ ҷалб намуда, китобҳоеро, ки дар доираи маблағҳои давлатӣ ба табъ расида буданд, барои ба таври ройгон дар ихтиёри китобхонаҳо гузоштан ба фонди «Корвони китоб» шомил намуд.
«Корвони китоб- 2015» ибтидои моҳи сентябри соли равон ба ВМКБ сафар намуд. Ибтидо дар ноҳияи Дарвоз, дар Қасри фарҳанг, ки тозабунёд ва хеле зебост, бо ибтикори директори Китобхонаи марказии ноҳия Рӯзигул Саидамирова вохӯрии масъулини ин чорабинии фарҳангӣ бо сокинони ноҳия, аз ҷумла мактаббачагон ва сарбозон- сарҳадчиён баргузор гардид.
Ёдовар мешавем, ки «Корвони китоб- 2015» 1- уми отиябри соли 2015 ба вилояти Суғд ба сафар мебарояд. Сафар як ҳафта идома ёфта, дар он баргузории чорабиниҳои фарҳангӣ, намоиш ва фурӯши китобҳои тозанашр ва нишасту вохӯриҳо бо хонандагон бо ширкати аҳли қалами вилоят дар назар дошта шудааст.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
