Кумаки ВКД ба мактаб-интернат ва литсейи техникии махсус

Душанбе, 08.09.2015 (АМИТ «Ховар»).-Имрӯз  дар арафаи таҷлили ҷашни 24-умин солгарди рӯзи Истиқлолияти давлатии Ҷумҳурии Тоҷикистон аз ҷониби Вазорати корҳои дохилӣ ба Мактаб-интернати №1 ва Литсейи касбии техникии махсуси шаҳри Душанбе маводи хурокворӣ, аз қабили орд, биринҷ, нахӯд, макарон, қанд, шакар, равғани растанӣ ва ғайра ба маблағи зиёда аз 11 ҳазор сомонӣ кумак расонида шуд.
Ёдрас мешавем, ки бо ташаббуси роҳбарияти Вазорати корҳои дохилӣ дар арафаи ҳамаи ҷашну идҳои миллӣ ба мактаб-интернат ва дигар қишри ниёзманди аҳолӣ ёрии моддӣ дар намуди молу маводи озуқаворӣ расонида мешавад.