Маросими савгандёдкунӣ дар Омӯзишгоҳи олии сарҳадии КДАМ

Душанбе, 01.09.2015 (АМИТ «Ховар»).- Имрӯз дар Омӯзишгоҳи олии сарҳадии Кумитаи давлатии амнияти миллии Ҷумҳурии Тоҷикистон маросими тантанавии қасамёдкунии курсантони бахши якум баргузор гардид, ки дар он сардори шуъбаи мудофиа ва ҳуқуқии Дастгоҳи Иҷроияи Президенти ҶТ  Шараф Файзуллоев , муовини аввали Раис — Фармондеҳи Қӯшунҳои сарҳадии КДАМ ҶТ   Раҷабалӣ Раҳмоналӣ, сардори Омӯзишгоҳи олии сарҳадии КДАМ ҶТ  Сафаралӣ Назиров ва сардори гурӯҳи мушовирони хадамоти сарҳадии Федератсия Русия дар Омӯзишгоҳи олии сарҳадӣ Монастирский Павел Сергеевич иштирок намуданд. 
Дар назди ҳозирин роҳбарияти Қӯшунҳои сарҳади, меҳмонон, падару модарон ва худи курсантҳо сухан гуфта, ба онҳо бахту иқбол ва дар таҳсили ояндаашон муваффақият орзу намуданд. 
Дар хотима курсантҳо дар назди роҳбарият бо марши тантанавӣ гузаштанд.
Ёдрас мешавем, ки дар Қӯшунҳои сарҳадӣ ба ҳифзи боэътимоди сарҳади давлатӣ, омода ва тарбия намудани кадрҳои баландихтисос диққати махсус дода мешавад. Омӯзишгоҳи олии сарҳадӣ — яке аз муассисаҳои таълимии ҳарбие мебошад, ки дар тӯли фаъолияташ садҳо нафар мутаххассиони баландихтисосро омода намудааст.