Машғулиятҳои назариявӣ дар Донишкадаи ҳарбӣ

Душанбе, 23.09.2015, (АМИТ «Ховар»). — Дар Донишкадаи ҳарбии Вазорати мудофиаи мамлакат бо иштироки вазири мудофиаи ҶТ Шералӣ Мирзо машғулиятҳои таълимӣ бо омӯзиши мавзӯъҳои гуногуни соҳавӣ баргузор шуданд. Дар машғулиятҳо афсарони масъули Ситоди генералии Қувваҳои Мусаллаҳ доир ба омодагии сафарбарӣ, қарори дахлдор қабул намудан ҳангоми мудофиаи ҳудудӣ, самаранок истифода намудани захираҳои эҳтиётӣ, аз қабили ҳайати шахсӣ, техникаҳои хоҷагии халқ, сафарбарии онҳо ва дигар мавзӯъҳои вобаста ба ҳимояи ҳудудиро, ки дар сурати хатарҳои эҳтимолӣ ба миён меоянд, мавриди омӯзиш қарор доданд. Дар даври ниҳоии машғулиятҳо иштирокчиёни он аз рӯи мавзӯъҳои муайяншуда санҷиш супурданд.