Муроҷиатномаи намояндагони диаспораи тоҷикони вилоятҳои Сурхондарё ва Қашқадарёи Ҷумҳурии Ӯзбекистон, ки дар Ҷумҳурии Тоҷикистон истиқомат доранд
Душанбе, 08.09.2015. (АМИТ «Ховар»). -Мо як гурӯҳ диаспораҳои тоҷикони вилоятҳои Сурхондарё ва Қашқадарёи Ҷумҳурии Ӯзбекистон, ки имрӯз шаҳрвандони Ҷумҳурии Тоҷикистон мебошем дар қатори дигар мардуми шарифи кишвари азизамон аз воқеъаҳои охир тариқи шабакаҳои телевизионӣ ва сомонаҳои интернетӣ бохабар гардидем.
Дар чунин давраи барои кишвари азизамон ҳассосу тақдирсоз бетараф буда наметавонем. Мо воқеаҳои нангине, ки аз ҷониби Назарзода Ҳалим ва ҳаммаслакони ӯ анҷом дода шуд сахт маҳкум намуда, аз мардуми пуршарафи Тоҷикистон хоҳиш менамоем зиракии сиёсиро аз даст надиҳанд.
Назарзода Ҳалим узви Ҳизби Наҳзати Исломии Тоҷикистон буда, ба қадри дастгирӣ ва боварию эътимоди Ҳукумати кишвар нарасид. Роҳбарияти кишвар ӯро бо мукофотҳои давлатӣ ва рутбаҳои баланди ҳарбӣ қадрдонӣ намуда, то ба вазифаи муовини Вазири мудофиаи Ҷумҳурии Тоҷикистон таъйин намуданд. Вале Назарзода Ҳалим аз боварии роҳбарияти кишвар ва мардуми оддӣ истифода намуда, якҷоя бо роҳбарияти ҲНИТ нақшаҳои ғаразнок ва муқобили манфиатҳои миллати тоҷикро тарҳрезӣ карда, мехостанд, ки дар ҷумҳурии азизамон нооромиро созмон дода, ҳаёти осоиштаи мардумро халалдор созанд. Ҳодисаи 04-уми сентябр рухдода бори дигар нишон дод, ки роҳбарияти ҲНИТ ҳамеша дар фикри нооромии ҷомеа буда, ба ҷуз аз нооромии кишвар дигар мақсаде надоранд.
Бояд ёдовар шуд, ки солҳои 90-уми асри гузашта маҳз бо дасти роҳбарият ва аъзои ҲНИТ хуни ҳазорҳо ҷавонмардони бегуноҳи кишвар рехта, чандин ҳазор зану фарзандони тоҷик бесарпаноҳ монда буданд ва имрӯз низ мақсади асосии роҳбарият ва аъзои ин ҳизб нооромии ҷомеа аст.
Бинобар ин мо фаъолияти ғаразноки Ҳизби Наҳзати Исломии Тоҷикистонро қатъиян маҳкум намуда, тарафдори он ҳастем, ки фаъолияти ҲНИТ дар ҷумҳурӣ манъ карда шавад. Ба генерали хиёнаткор Ҳоҷӣ Ҳалим, ки садқаи номи «ҳоҷӣ» шавад, мегӯем, ки дар кадом ғор ё ҷангале хорк зор нобуд мешавӣ ва сазои ватанфурӯш ҳамин аст. Зинда бод Тоҷикистон!
Шарифов Акмал, Қурбонов Тоҳир, Бобоев Самандар, Ҳакимов Фирдавс, Дӯстов Маҳмад, Раҷабов Анвар ва намояндагони диаспораи тоҷикони вилоятҳои Сурхондарё ва Қашқадарёи Ҷумҳурии Ӯзбекистон дар Ҷумҳурии Тоҷикистон.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
