Намоишномаҳои нави Театри лӯхтаки Чкалов

Хуҷанд, 21.09.15. (АМИТ «Ховар», Абдуаҳад  Шарифзода). — Театри давлатии лӯхтаки  шаҳри  Чкалови  вилояти  Суғд  65 — умин  мавсими театрии  худро  бо  намоиши  намоишномаи «Дарахти  дӯстӣ  биншон», ки ба Соли  оила  бахшида шудааст, оғоз  намуд. 
Тавре  ки  директори  театр  Абдувалӣ  Мақсудов  хабар  дод, хонандагони  мактаб — интернати  шаҳри  Чкалов яке  аз  аввалин тамошобинони намоишномаи нав  гардиданд.
Намоишномаи «Дарахти  дӯстӣ  биншон» хусусияти тарбиявӣ  дошта, мақсад  аз  он  тақвият бахшидани ҷаҳони  маънавӣ ва  тарбияи насли  ҷавон  дар  руҳи меҳру  муҳаббат  ба  фарҳанг  ва арзишҳои инсонпараварӣ  мебошад. 
Қобили  зикр  аст, ки  театри  мазкур тайи  як  мавсим   беш  аз 250  намоишномаро  ба  саҳна  мегузорад.