Нашъаҷалобон дастгир шуданд

Душанбе, 21.09.15. (АМИТ «Ховар»). — Тайи  шабонарӯзҳои гузашта  кормандони  Агентии  назорати  маводи  нашъаовари   назди  Президенти  ҶТ ҳангоми роҳандозии се  амалиёти  фаврӣ шаш   шаҳрвандеро, ки  ба  муомилоти  ғайриқонунии  маводи  мухаддир  машғул  буданд,  дастгир  карданд.  
Тавре  ки  Агентии  назорати  маводи  нашъаовари  ҶТ хабар  медиҳад,  дар  ҳудуди  ноҳияи  Рӯдакӣ  ду нашъаманд дастгир  шуда, аз онҳо як  миқдор  героин  мусодира  гардид. 
Кормандони  раёсати Агенти назорати  маводи  нашъаовар  дар  вилояти  Хатлон  аз  манзили   сокини  47 — солаи  шаҳри  Қӯрғонтеппа  як  миқдор  тарёкро пайдо  ва  мусодира намуданд.
Кормандони  шуъбаи  мубориза  бо  маводи  мухаддири   вилояти  Суғд  се   сокини шаҳри  Хуҷандро  дастгир  намуда,  аз  онҳо се  бастаи  селофании дорои  тарёкро  пайдо  намуданд. 
Дар  натиҷаи тафтишот  маълум  шуд, ки  яке  аз  дастгиршудагон қаблан  барои   гардиши  ғайриқонунии  маводи  мухаддир ҳукм  шуда будааст. 
Тафтишот  аз аз рӯи  ҳамаи ҳодисаҳои  зикршуда  идома дорад.