Ҳосили ангур ва полезиҳо фаровон гардидааст

Душанбе, 02.09.2015. (АМИТ «Ховар»).- Ба маълумоти фаврии раёсати растанипарварӣ дар хоҷагиҳои деҳқонӣ (фермерӣ) ва ҷамоавии ҷумҳурӣ  ба миқдори 31351 тонна мева ва 61186 тонна ангур ҷамъоварӣ  шудааст. Истеҳсоли ангур нисбат ба ҳамин давраи соли гузашта 2163 тонна зиёд мебошад.
Ҳамзамон, соли ҷорӣ дар хоҷагиҳои деҳқонӣ (фермерӣ) ва ҷамоавии ҷумҳурӣ дар майдони 18024 гектар  полезиҳо кошта шудаанд, ки   ҳосили 15075 гектари он ҷамъоварӣ  шудааст. Ҷамъоварии ҳосили полезиҳо нисбат ба ҳамин давари соли гузашта 1769 гектар афзунтар аст. То имрўз дар ҷумҳурӣ ба миқдори 303237 тонна полезиҳо истеҳсол  шудааст, ки дар  нисбати ҳамин давраи соли гузашта 44731 тонна бештар буда, ҳосилнокӣ аз ҳар гектар 201,2 сентнериро ташкил медиҳад, ки нисбати ин дар  ҳамин давраи соли гузашта 6,9 сентнер зиёд аст.