Пазириши сафири Тоҷикистон дар Қоҳира ба сифати намояндаи доимӣ дар Ҷомеаи Давлатҳои Арабӣ

Душанбе, 18.09.2015.(АМИТ «Ховар»).-Шӯрои вазирони корҳои хориҷии Ҷомеаи Давлатҳои Арабӣ дар иҷлосияи навбатии 144-уми худ, ки дар Қоҳира 13 сентябри 2015 баргузор гардид, қарор қабул намуд, ки бо аккредитатсияи Сафири Ҷумҳурии Тоҷикистон дар Қоҳира ба сифати Намояндаи доимии кишвари мо дар Ҷомеаи Давлатҳои Арабӣ изҳори мувофиқат кунад. Қарори мазкур дар асоси паёми вазири корҳои хориҷии Тоҷикистон ба унвони Дабири кулли Ҷомеаи Давлатҳои Арабӣ аз таърихи 2 апрели 2015 ва дар чаҳорчӯби густариши муносибатҳои кишварҳои арабӣ бо Тоҷикистон қабул шудааст.