Шиносоии Сарвазир бо фаъолияти ҶММ «Пакрут»
Душанбе, 30.09.2015. (АМИТ «Ховар»). — Имрўз Сарвазири мамлакат Қоҳир Расулзода дар шаҳри Ваҳдат бо фаъолияти ҶММ «Пакрут» шинос шуд.
Фаъолияти корхонаи мазкур дар ҳамкорӣ бо Ширкати давлатии Ҷумҳурии мардумии Чин оид ба истихроҷ ва истеҳсоли металлҳои ранга (CNG) ба роҳ монда шуда, асосан ба коркард ва истеҳсоли тилло нигаронида шудааст.
Сарвазири мамлакат нахуст бо ҳолати коргоҳи истеҳсолӣ шинос шуда, сипас аз мавзеи истихроҷ ва коркарди аввалияи ашёи хом дидан намуд. Тавре иттилоъ дода шуд, корхона дар марҳилаи аввал бо иқтидори истеҳсоли ду тонна тилло дар як сол фаъолият намуда, дар марҳилаи дуюм шуруъ аз соли 2018 иқтидори он ба истеҳсоли чор тонна тилло дар як сол расонида мешавад. Дар айни замон насбу васли таҷҳизоти корхона шуруъ гардида, коргоҳхои истеҳсолӣ, биноҳои маъмурӣ ва анбори захираи ашёи хом омода карда мешаванд. Мувофиқи нақша дар корхона аз охирҳои моҳи октябри соли равон истеҳсоли маҳсулот оғоз гардида, давраи озмоишӣ гузаронида мешавад.
Дар бунёди иншооти алоҳида корхона, коркарди аввалияи ашёи хом ва захираи он айни замон зиёда аз 1270 нафар бо кор таъмин гардида, беш аз 60 фисади он коргарони маҳалӣ мебошанд.
Қоҳир Расулзода роҳбарияти вазорату идораҳои дахлдор ва дигар масъулони соҳаро вазифадор намуд, ки барои фароҳам овардани шароити мусоиди корӣ дар ин корхонаи истеҳсолӣ ва дар муҳлати муқараргардида мавриди баҳрабардорӣ қарор додани он тадбирҳои зарурӣ андешанд.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
