Симпозиуми байналмилалӣ ба ифтихори 700 -солагии Мир Сайид Алии Ҳамадонӣ

Сентябрь 4, 2015 09:30

         Душанбе, 04.09.2015.(АМИТ «Ховар», Марзия Саидзода).-«Мир Сайид Алии Ҳамадонӣ: донишманд ва мутафаккири Шарқ» таҳти чунин унвон 5-6 сентябри соли равон дар шаҳрҳои Душанбе ва Кӯлоб ба ифтихори 700 -солагии шоир, ориф ва мутафаккири бузурги машриқзамин Мир Сайид Алии Ҳамадонӣ (1314-1386) симпозиуми байналмилалии илмӣ баргузор мегардад. 
  Дар симпозиум донишмандону муҳаққиқон ва ҳамадонишиносони маъруф аз кишварҳои Русия, Фаронса, Эрон, Ҳиндустон, Покистон, Афғонистон ва Ӯзбекистон ширкат варзида, маърӯза хоҳанд кард.
     6 сентябр симпозиуми байналмилалӣ  дар шаҳри Кӯлоб идома ёфта, меҳмонон-донишмандон  оромгоҳ ва Осорхонаи Мир Сайид Алии Ҳамадонӣ ва мақбараи Хоҷа Исҳоқи Хатлониро зиёрат намуда, аз Донишгоҳи давлатии шаҳри Кӯлоб ба номи Рӯдакӣ, Осорхонаи 2700-солагии шаҳри Кӯлоб, осорхонаи  шоир Саидалӣ Вализода боздид намуда,  ёдгориҳои қадимаи Ҳулбукро тамошо мекунанд. 
  Бояд тазаккур дод, ки симпозиуми байналмилалии илмӣ бо ибтикори Ҳукумати Ҷумҳурии Тоҷикистон ва Академияи илмҳои кишвар баргузор гардида, ҳадафаш омӯзиши паҳлӯҳои мероси пурғановати Мир Сайид Алии Ҳамадонӣ, таҳқиқи замони шоир, нақши ин мутафаккир дар рушди тамаддуни Осиёи Марказӣ ва Ҳинду Эрон мебошад. 

 

Сентябрь 4, 2015 09:30

Хабарҳои дигари ин бахш

Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд