Супориши раиси вилояти Хатлон ба роҳбарияти ноҳияи Ёвон

Қӯрғонтеппа, 08.09.2015. (АМИТ «Ховар», Мурод  Сотиев). — Имрӯз вохӯрии  раиси  вилояти Хатлон Гулмаҳмадзода  Давлатшоҳ  Қурбоналӣ бо сокинони ноҳияи  Ёвон  баргузор гардид.  Зимни мулоқот як қатор муроҷиати сокинони ноҳия низ мавриди баррасӣ қарор гирифт. 
Раиси вилоят оид ба  муроҷиати  омӯзгори  мактаби №49- и ноҳия   Мадина Маҳмадова, ки аризааш тайи   чанд сол  ҳалли худро наёфтааст, раиси  ноҳияро вазифадор намуд, ки дар муддати  як  ҳафта  он  баррасӣ гардад.
 «Дастгирии ҷавонон, омӯзгорони  ҷавон ин супориши  Президенти  мамлакат  Эмомали  Раҳмон  аст ва  бояд  ба  масъалаи  таъмини  мутахассисони  ҷавон бо манзил  диққати ҷиддӣ  дод»-  қайд намуд Д.Гулмаҳмадзода.