Тақдими аробачаҳои маъюбӣ ба ниёзмандон
Душанбе, 15.09.2015. (АМИТ «Ховар», Анвари Неъмат).-Ба 11 сокини дорои имконияти маҳдуди шаҳри Кӯлоб аз ҷониби роҳбарияти мақомоти иҷроияи ҳокимияти давлатии шаҳр ва масъулони Вазорати тандурустӣ ва ҳифзи иҷтимоии аҳолӣ аробачаҳои маъюбӣ дода шуданд. Кормандони шуъбаи ҳифзи иҷтимоии аҳолии мақомоти иҷроияи ҳокимияти давлатии шаҳри Кӯлоб ҳолати зист ва вазъи саломатии нафарони ниёзмандро пайваста назорат намуда, мувофиқ ба эҳтиёҷашон ба онҳо кумак мерасонанд.
Илова бар ин дар шаҳри Кӯлоб маркази будубоши кӯдакони маъюб ва шуъбаи ёрии иҷтимоӣ фаъолияти назаррас дорад.