Ваҳдат: тақдими «Шуғл ва муҳоҷират» ба мардум

Душанбе, 29.09.2015. (АМИТ «Ховар»).-Тибқи фармоиши вазири меҳнат, муҳоҷират ва шуғли аҳолии Ҷумҳурии Тоҷикистон Тағойзода Сумангул гурӯҳи корӣ ташкил шуда, ба шаҳри Ваҳдат сафар намуд. 
 Дар ҷараёни сафар гурӯҳи корӣ дар атрофи қонунгузории нави Федератсияи Русия дар самти муҳоҷирати меҳнатӣ, дурӣ ҷустани ҷавонону духтарон аз ҳизбу ҳаракатҳои ғайриқонунӣ, равияҳои ифротӣ ва иртиҷоӣ, экстремистию террористӣ, гирифтани сертификати забони русӣ, таърих ва асосҳои қонунгузории ФР, патент ва дигар ҳуҷҷатҳои зарурӣ суҳбат оростанд.
 Ба иштирокдорони чорабинӣ маълумотномаҳои мухтасар дар бораи омодагии пеш аз сафари муҳоҷирон, буклетҳо ва рӯзномаи «Шуғл ва муҳоҷират» дода шуд.