ВКД: 13 узви дастаи ҷинояткори ҳоҷӣ Ҳалим кушта ва 32 нафараш ба даст афтоданд. Хабари ҳалокати 33 корманди сохторҳои қудратӣ асос надорад
Душанбе, 05.09.2015. (НИАТ «Ховар»). — Маркази матбуоти Вазорати корҳои дохилии Ҷумҳурии Тоҷикистон хабар медиҳад, ки хабари дар сомонаи «Азия-Плюс» ва чанд расонаи хориҷӣ паҳнгашта дар бораи он, ки гӯё дар ҷараёни ҳодисаҳои рухдода 33 нафар кормандони ВКД ва Вазорати мудофиа ба ҳалокат расидаанд, асоси воқеӣ надорад ва аз тарафи Созмони Аҳдномаи амнияти дастаҷамъӣ (СААД) ҳам чунин иттилоот дода нашудааст.
Гузашта аз ин, аз маркази матбуоти ВКД хабар медиҳанд, ки амалиёти якҷояи ВКД, КДАМ, ВМ ва дигар сохторҳои қудратӣ идома дорад. Дар натиҷа, то ин ҳолат 13 узви гурўҳи ҷинояткори Назарзода А.М. нобуд гардида, 32 нафараш дастгир шудаанд. Аз ин гурўҳ зиёда аз 500 яроқу аслиҳаи ҷангӣ мусодира карда шуд. Инчунин якчанд махфигоҳи яроқу аслиҳа ва автомашинаҳои тамғаҳои гуногуни «ҶИП» ва «Седан» дарёфт карда шуд.
Худи Назарзода Абдуҳалим бо ҳамроҳии 7-8 нафар ҳаммаслаконаш дуртар аз шаҳри Душанбе ба масофаи 150 километр дар дараи Ромит пинҳон шудааст. Гирду атрофи ин минтақа пурра ба иҳота гирифта шуда, амалиёт барои дастгир ва безарар гардонидани онҳо идома дорад.
Бародари Назарзода А.М., Назаров Мирзоҳаёт Мирзоевич, соли таваллудаш 1972, ихтиёран худаш аз ин гурўҳ ҷудо шуда, ба ВКД ҳозир шуд. Тафтишоти парвандаи ҷиноятӣ идома дорад.
Бояд қайд кард, ки ҳангоми ҳуҷуми мусаллаҳонаи ин гурӯҳи ҷинояткор 9 нафар кормандони мақомоти корҳои дохилӣ ба ҳалокат расида, 6 кас ҷароҳати сабуки ҷисмонӣ бардоштанд.
Вазъият дар ҷумҳурӣ тинҷу ором буда, таҳти назорати қатъии мақомоти қудратии Ҷумҳурии Тоҷикистон қарор дорад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
