Афғонистон аз Русия ёрӣ талабид

Душанбе, 06.10.15. (АМИТ «Ховар»).  Кобул дар  муборизаи  зидди  гурӯҳи  террористии  «Давлати  исломӣ»  ба  ёрии Русия  эҳтиёҷ  дорад. Ноиби  аввали президенти  Афғонистон генерал Абдурашид  Дӯстум  баъди  мулоқот  бо  роҳбари Чеченистон Рамзан Қодиров дар  ин  бора  хабар  дод. 
«Дӯстум изҳор  дошт «Давлати  исломӣ»  кӯшиш дорад, ки  Афғонистонро  ба такягоҳи  худ табдил  диҳад.  Барои ҷилавгирии ин хатар Кобул, чун  Сурия,  ба  дастгирии Русия зарурат  дорад. Мо итминон  додем, ки  роҳбарияти  Русия  аз  рӯи  ин  масъала қарори  мусбат қабул  мекунад», —  навиштааст дар  саҳифаи сомонаи  иҷтимоии  худ   Рамзан  Қодиров. 
Зимни  мулоқот  масоили  ҳамкории  иқтисодӣ ва  тиҷоратию  фарҳангӣ  мавриди  муҳокима  қарор  гирифт.
Ёдовар  мешавем, ки бо  хоҳиши  президенти  Сурия  Башор  Асад 30  сентябр ҳавопаймоҳои  Русия  барои зарба  задан  ба  мавқеъҳои «Давлати  исломӣ»  ба амалиёти  махсус шурӯъ  карданд.