Ҷамъбасти марҳилаи дуюми амалиёти Нелегал-2015 дар Суғд
Душанбе, 19.10.2015. (АМИТ «Ховар»). — Марҳилаи дуюми амалиёти муштараки махсуси Нелегал-2015 дар вилояти Суғд анҷом ёфт.
Бино ба иттилои сухангӯи Хадамоти муҳоҷирати Вазорати меҳнат, муҳоҷират ва шуғли аҳолӣ А.Қодирӣ, мақсад аз гузаронидани ин амалиёт ошкорсозии роҳҳои муҳоҷирати ғайриқонунӣ, ташкилотчиёни он, мубориза бар зидди хариду фурӯши одамон, пурзӯр намудани муқовимат бар зидди будубоши ғайриқонунии шаҳрвандони хориҷӣ ва шахсони бешаҳрвандӣ, ҳамзамон ғайриқонунӣ ба фаъолияти меҳнатӣ машғул шудани онҳо дар ҳудуди ҷумҳурӣ буд. Дар ин амалиёт гурӯҳҳои санҷишии Раёсати Вазорати корҳои дохилии Ҷумҳурии Тоҷикистон ва Раёсати Кумитаи давлатии амнияти миллии Ҷумҳурии Тоҷикистон дар вилояти Суғд низ иштирок намуданд.
Дар доираи амалиёти махсуси «Нелегал-2015» кормандони Раёсат, шуъбаю бахшҳои Хадамоти муҳоҷират дар шаҳру ноҳияҳои Қайроққум, Чкалов, Айнӣ ва Фурудгоҳи байналмилалии шаҳри Хуҷанд 13 ҳолати ҳуқуқвайронкунии маъмуриро аз ҷониби шаҳрвандони хориҷӣ ошкор намуданд.
Нисбат ба шаҳрвандони хориҷие, ки ба ҳуқуқвайронкунии маъмурӣ роҳ додаанд, бо моддаи 138 қисми 2 Кодекси ҳуқуқвайронкунии маъмурии Ҷумҳурии Тоҷикистон-2 адад, моддаи 499 қисми 1-11 адад, парвандаи ҳуқуқвайронкунии маъмурӣ тартиб дода, барои баррасӣ ба суд ирсол гардид. Маблағи умумии ҷаримаи ситонидашуда 28 ҳазор сомониро ташкил медиҳад.
Раёсат дар маҷлиси ҳисоботӣ оид ба натиҷаҳои ҷамъбасти фаъолияти нӯҳмоҳа пешқадамони марҳилаи дуюми амалиёти «Нелегал-2015»-ро қадршиносӣ хоҳад кард.
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
