Ба тафтишоти пешакӣ дахолат нашояд

     Душанбе, 18.10.2015 (АМИТ «Ховар»). — Давоми ду рӯзи охир баъзе расонаҳои иттилоотии Тоҷикистон дар бораи боздошт шудани Наҷмуддин Саидов — бародари раиси Хадамоти гумруки назди Ҳукумати Ҷумҳурии Тоҷикистон Абдуфаттоҳи Ғоиб, хабар паҳн карда, иттилло доданд, ки гӯё Наҷмуддин Саидов «зимни гирифтани пора» дар ҳаҷми ниҳоят калон дастгир шуда бошад. Дар ҳамин маврид, хабаргузории «Faraj.tj» иттилоъ дод, ки боздошт шудани Наҷмуддин Саидов ба фаъолияти кории Абдуфаттоҳи Ғоиб алоқамандӣ надорад. Дар хабари мазкур омадааст, ки «далелҳои дар сайтҳои интернетии «Азия плюс», «Озодӣ», «Тоҷнюс» ба табъ расида, бархилофи меъёрҳои касбии ахлоқии фаъолияти рӯзноманигорӣ ба хонандагон пешниҳод гардида, ба ҳолати аслии кор умуман наздик нест. Ҳамзамон, сарчашма қайд намуд, ки тафтишоти пешакӣ оид ба парвандаи ҷиноятии номбурда идома дорад ва дар васоити ахбор ба ин мазмун ба табъ расонидани хабарҳо, аз ҷониби қонунгузор ҳамчун дахолат ба тафтишоти пешакӣ маънидод карда мешавад».