Бонки «Эсхата» аз нигоҳи қарздиҳӣ пешсаф аст

Қӯрғонтеппа, 13.10.15. (АМИТ «Ховар»).  Бонкҳои  вилояти  Хатлон  аз  оғози  сол барои  қарздиҳӣ 816 миллиону 500  ҳазор  сомонӣ ҷудо  кардаанд. 
Назар  ба иттилои маъмурияти  вилояти  Хатлон, аз ҷумлаи  ин  маблағ 41  фоизи  он барои рушди бахши  кишоварзӣ, 31  фоизаш  барои рушди  саноат ва 20,7  фоизи он барои  дастгирии  соҳибкорӣ тахсис  дода шудааст. 
Тайи  9  моҳи соли равон  барои  қарздиҳӣ  226  миллиону  400 ҳазор  сомонӣ ҷудо  карда  шуд, ки  нисбат ба  соли  гузашта 21,7  фоиз  кам  аст.
Қобили  зикр  аст, ки  бонки  «Эсхата» аз  нигоҳи  қарздиҳӣ  дар  вилояти  Хатлон ҷои  аввалро  касб  менамояд.