Бозиҳои интихобии Ҷоми Осиё ба анҷом расиданд

Душанбе, 07.10.2015 (АМИТ «Ховар»).- Дар қитъаи Осиё шоми дирӯз дар 10 гурӯҳ бозиҳои интихобӣ барои  Ҷоми Осиё оид ба футбол байни дастаҳои мунтахаби ҷавонони то 19 -сола ҷамъбаст шуданд. Дар натиҷа дастаҳои Тоҷикистон, Ӯзбекистон, Арабистони Саудӣ, Амороти муттаҳидаи Араб, Қатар, Ҷумҳурии Исломии Эрон, Ироқ Ветнам, Кореяи Ҷанубӣ, Чин, Япония, Австралия, Таиланд, Кореяи Шимолӣ, Яман ва мизбони бозиҳо- дастаи мунтахаби Баҳрайн, ҷамъ 16 даста  барои ширкат дар бозиҳои ниҳоӣ роҳхат гирифтанд. Акнун ин дастаҳо соли оянда баъди қуръакашӣ дар чор гурӯҳ барои Ҷоми Осиё мубориза хоҳанд бурд.