Дар Қандаҳор беш аз 200 ҷангиёни «Ал Қоида» кушта шуданд

Душанбе, 14.10.15. (АМИТ «Ховар»).  Дар вилояти Қандаҳори  Афғонистон бо  мақсади  нест  кардани  2  урдугоҳи  ҷангиёни «Ал  Қоида» амалиёти  фарогири қӯшунҳои  Афғонистону  Амрико роҳандозӣ  шуд.
Дар  амалиёти  ҳарбӣ,  ки  аз 10  11  октябр  идома  дошт,  беш  аз  200  нафар  хидматчиёни  ҳарбии  ҷузъу  томҳои  рӯизаминӣ  ва  авиатсия иштирок  доштанд.  Амалиёт  дар  ҳудуди  вулусволии  Шӯробак  сурат  гирифт. 
Агентии  иттилоотии  «Хома пресс» зимни  истинод ба ҳисоботи расмии  Вазорати  мудофиаи  Афғонистон хабар  медиҳад, ки бар  асари амалиёти  ҳарбӣ 234  нафар  ҷангиён  кушта шуда,  аз  террористон миқдори  зиёди  аслиҳаю  лавозимоти  ҳарбӣ,  ҳамчунин  асбоби  гирдоварандаи  ахбороти  ҷосусӣ ғанимат  гирифта  шуд.