Дар шаҳри Чкалов пулҳои қалбакӣ ошкор шуданд

Душанбе, 28.10.2015 (АМИТ “Ховар”).- Дар шаҳри Чкалов як далели ба муомилот баровардани пулҳои қимматноки қалбакӣ ошкор шуд. Кормандони милитсия зимни гузаронидани чорабиниҳои фаврӣ-ҷустуҷӯӣ сокини 26-солаи шаҳри Панҷакентро дастгир намуданд, ки номбурда 27 октябр 95 000 рубли ФР-и қалбакии сохташударо бо мақсади иваз ва ба муомилот баровардан ба филиали нуқтаи ивази асъори “Тоҷпромбонк”, воқеъ дар ш.Чкалов супоридааст. Тибқи маълумотномаи шуъбаи ташхисӣ, асъори коғазии мазкур бе риоя кардани талаботи технологӣ тайёр  шуда, қалбакӣ мебошанд. 
Нисбат ба далели мазкур парвандаи ҷиноятӣ оғоз гардида, тафтиш идома дорад.