Дар Суғд ҷинояткорӣ меафзояд

Душанбе, 13.10.15. (АМИТ «Ховар»).  Аз  оғози  соли равон  дар  ҷумҳурӣ 16  ҳазору  700  ҳодисаи  ҷинояткорӣ  ба  қайд  гирифта  шудааст, ки 14  ҳазору 249 — тои он ба  Вазорати корҳои  дохилӣ ва Прокуратураи  ҶТ  рост  меояд. 
Мувофиқи  маълумоти  Агентии  омори  назди  Президенти  ҶТ,  мақомоти дигари  ҳифзи  ҳуқуқи  кишвар  беш  аз 2 ҳазор  ҷинояткориро  ба  қайд  гирифтаанд, ки 14,7  фоизи теъдоди  умумии  онро  ташкил  медиҳад. Дар  ҷумҳурӣ афзоиши  ҷинояткорӣ  ба  қайд  гирифта шудааст, ки  қисми  зиёди он ба  вилояти  Суғд  рост  меояд. 17,3  фоизи  ҷинояткорӣ  дар  вилояти  Суғд, 15 фоизи он дар   ВМКБ, 12,3  фоизи ҷинояткорӣ дар  вилояти  Хатлон, 3,1 фоизи он дар  ноҳияҳои  тобеи  ҷумҳурӣ ва 5,4  фоизи ҷинояткорӣ дар  шаҳри  Душанбе  содир  шудааст.