Дар Сурия роҳбари гурӯҳи «Аморати Қафқоз» нест карда шуд

Душанбе, 23.10.15. (АМИТ «Ховар»). — Қӯшунҳои  Сурия  дар ҷануби  ғарбии канори   шаҳри  Алеппо панҷ  деҳаро  озод  намуданд. 
Мувофиқи  маълумоти торнамои иттилоотии  «Сурия ал — Эн»,  дар ҷараёни  амалиёт  роҳбари  гурӯҳи  террористии  «Аморати  Қафқоз», ки  иборат  аз зархаридон  аст, нест карда шуд.
Тавре  ки   намояндаи қувваҳои  мусаллаҳи  Ҷумҳукрии  Араби  Сурия  хабар  дод, ҷанговарони  артиши  Сурия баъди  оташфишонии шадид аз  тӯпҳо  душманро  аз  шаҳри Кфар — Абида  ва  деҳаҳои  Блас, Ҷавзат — ал — Ҷаҳҳаш, Шайх — Кейкан ва  Дайр — Салиба берун  карданд.  Силоҳбадастон  ба  воҳима  афтода,  ақибнишинӣ  мекунанд.  Қӯшунҳои  Сурия  минтақаҳои канори роҳи мошингарди  стратегии  Димишқ — Алеппоро дубора таҳти  назорати  худ  мегиранд.