Дар Тоҷикистон 760 ҳазор тонна ангишт истихроҷ шуд

Душанбе, 06.10.15. (АМИТ «Ховар»).  Аз  оғози соли  ҷорӣ то  имрӯз  дар  Тоҷикистон 760  ҳазор  тонна  ангишт  истихроҷ  шудааст, ки   назар  ба  ҳамин  давраи  соли  гузашта баробари  159 ҳазор  тонна  зиёд  аст.
Тавре  ки  дар  Вазорати  саноат  ва технологияҳои  нави  ҶТ  ба  АМИТ «Ховар»  хабар  доданд, ҳаҷми  умумии фурӯши  ангишт  653  ҳазор, ё 88  фоизро ташкил  дод. Алҳол дар  анборҳои  ангишти  Тоҷикистон захираи  ангишт бо  дарназардошти  соли  гузашта  175  ҳазор тоннаро ташкил  медиҳад. 
Дар Вазорати  саноат  ва  технологияҳои нави  кишвар изҳор  доштанд, ки  ҳар  шабонарӯз ба  ҳисоби  миёна  аз  5 то 7,5  ҳазор тонна  ангишт истихроҷ  мешавад. Конҳои  ангишти «Фон  Яғноб», «Зиддӣ», «Назарайлоқ», «Шӯроб» ва «Сайёд»  конҳои  асосии  ангишти  кишвар  ба  шумор  мераванд.