Дар ҷумҳурӣ ҳосили меваву ангур фаровон аст

Душанбе, 24.10.2015. (АМИТ «Ховар ).-  Мувофиқи маълумоти Раёсати растанипарварии Вазорати кишоварзӣ дар хоҷагиҳои деҳқонӣ  ва ҷамоавии ҷумҳурӣ  ба миқдори 75 658 тонна мева ва 63 058 тонна ангур ҷамъоварӣ  шудааст, ки истеҳсоли ангур нисбат ба ҳамин давраи соли гузашта 8516 тонна зиёд мебошад.
Ҳамзамон соли ҷорӣ хоҷагиҳои деҳқонӣ  ва ҷамоавии ҷумҳурӣ дар майдони 18024 гектар кишти полезиҳоро гузаронидаанд. То санаи 19- уми октяби сори ҷорӣ майдони 17893 гектари он ҷамъоварӣ  шудааст, ки нисбат ба ҳамин давраи соли гузашта 2223 гектар зиёд мебошад. Ҳосилнокӣ аз ҳар гектар 213,6 сентнериро ташкил медиҳад, ки нисбат ба ҳамин давраи соли гузашта 12,4 сентнерӣ зиёд мебошад.
Ҳосили умумии полезиҳо то санаи зикршуда 382 ҳазору 131 тонна буда, нисбат ба ҳамин давраи соли гузашта 66 ҳазору 900 тонна зиёд мебошад.