Донишҷўёни Донишкадаи давлатии фарҳанг ва санъат ба китобхона мераванд

Душанбе, 29.10.2015. (АМИТ «Ховар»).- 31 октябри соли равон соати 14:00 дар Китобхонаи миллии Тоҷикистон  чорабинии фарҳангӣ таҳти унвони «Биёед ба китобхона равем» доир мегардад. 
Тавре ки сардори шуъбаи тарғиб ва баргузории чорабиниҳои фарҳангии Китобхонаи миллии Тоҷикистон Ҷалолиддин Нуров иттилоъ дод,  дар  чорабинӣ зиёда аз 100 донишҷўю устоди Донишкадаи давлатии фарҳанг ва санъати Тоҷикистон иштирок хоҳанд кард. 
Дар назар аст, ки директори Китобхонаи миллии Тоҷикистон Сайфиддин Назарзода оид ба таърихи китобхона ва имкониятҳои он ба ҷавонону ҳаводорони илму дониш маълумот диҳад. 
 Бояд гуфт, ки ҳадафи чорабинии мазкур тарғиби китоб ва ҷалб намудани донишҷўён ба китобу китобхонӣ мебошад.
Дар  чорабинӣ мубодилаи афкор миёни директори Китобхонаи миллии Тоҷикистон  Сайфиддин Назарзода ва иштирокдорон дар назар аст.
Ёдовар мешавем, ки чунин чорабинӣ бо донишҷўёни Донишгоҳи  давлатии омўзгории Тоҷикистон ва Донишгоҳи давлатии тиббии Тоҷикистон низ баргузор мегардад.