ИДМ-майдони муҳими муколамаҳои сиёсӣ

Душанбе, 30.10.2015.(АМИТ «Ховар»).-Сарвазири Ҷумҳурии Тоҷикистон Қоҳир Расулзода ИДМ-ро майдони муҳим барои муколамаи сиёсӣ, иқтисодӣ ва  гуманитарӣ  дар самти таъмини рушди устувор ва  пойдории муносибатҳои кишварҳои узви ИДМ  ном бурд.
Қоҳир Расулзода ҳамчунин афзуд, ки Тоҷикистон  ба амалишавии  «Стратегияи  рушди иқтисодии  ИДМ», барномаҳои байнидавлатии ҳамкории инноватсионие, ки ба нишондиҳандаҳои  мақсадноки макроиқтисодии рушди иқтисодӣ асос ёфтаанд,   фаъолияти  шӯроҳои соҳавии байнидавлатӣ, ҳамкорӣ дар соҳаи мониторинги  экологӣ  таваҷҷуҳи махсус зоҳир  мекунад. 
«Дар айни замон мо баррасии масъалаҳои  вобаста ба  иҷрои Созишномаи  эътирофи  дуҷонибаи  имтиёз  ва  кафолат барои иштирокчиён ва маъюбони ҶДҶ,  дурнамои  афзоиши  кумаки  тиббӣ-иҷтимоӣ  ва баланд бардоштани сатҳи зиндагии иштирокчиёни ҷангро муҳим мешуморем»,-иброз дошт Сарвазири кишвар.