Иштироки Ганҷалзода Шералӣ Раҳмон дар кори ҷаласаи иҷлосияи 35 — уми Шӯрои байнидавлатӣ оид ба ҳавопаймоӣ

Душанбе, 26.10.15. (АМИТ «Ховар»). — Ҳайати  Тоҷикистон  бо  роҳбарии  вазири  нақлиёт Ганҷалзода Шералӣ Раҳмон дар кори ҷаласаи иҷлосияи 35 — уми Шӯрои байнидавлатӣ оид ба ҳавопаймоӣ дар шаҳри  Бокуи  Озарбойҷон  иштирок намуд. 
Дар  ҷаласа  масоили  бехатарии парвози  ҳавопаймоҳо,  фазои  ҳавоӣ  ва масълаҳои  дигари  ҳамкорӣ  дар  бахши ҳавопаймоӣ  муҳокима  шуданд. 
Иҷлосия ба  муносибати 70 — солагии Созмони байналмилалии ҳавопаймоии  мулкӣ ва 25 — солагии Кумитаи ҳавопаймоии  байнидавлатӣ, ки  мақомоти  иҷроияи Шӯрои  байнидавлатӣ ба  шумор  меравад, доир  гардид.
Дар  ин  чорабинӣ роҳбарони  вазоратҳои корҳои  хориҷӣ  ва  нақлиёт, хадамоти ҳавопаймоии мулкӣ, корхонаҳои  ҳавопаймоӣ, марказҳои таълимию  илмии давлатҳои  аъзои Созишнома  дар  бораи  ҳавопаймоии  мулкӣ  ва истифодаи фазо ширкат  доштанд.