Китоби мусаввар эҳдо ба ҷашни Ҳисор
Ҳисор, 22.10.2015. (АМИТ «Ховар»).-Бахшида ба 3000-солагии Ҳисор китоби мусаввар, ки аз таърихи бою рангини даврони гузаштаву имрӯзаи Ҳисор ҳикоят мекунад, бо теъдоди ҳазор нусха рӯи чоп омад. Навиштаҷоти китоб, ки дар зери расмҳои хеле зебою ранга бо забонҳои тоҷикӣ, русӣ ва англисӣ омадаанд, хеле муъҷаз ва хонданбобанд. Муҳарририи китобро шоир ва нависандаи сермаҳсул устод, Султонмуроди Одина ба уҳда дорад.