Мақсад — муттаҳидии ҷавонони минтақаҳои кишвар

Душанбе, 22.10.2015 (АМИТ «Ховар»).- Имрӯз бо ибтикори Кумитаи ҷавонон, варзиш ва сайёҳии назди Ҳукумати Ҷумхурии Тоҷикистон  дар ҳамкорӣ бо мақомоти иҷроияи ҳокимияти давлатии шаҳри Турсунзода бештар аз 70 нафар гирандагони стипендияи президентӣ  аз 68 шаҳру навоҳии мамлакат ба урдугоҳи омӯзишии «Ширкент»-и шаҳри Турсунзода раҳсипор гардиданд.   
Наврӯз Қурбонов,  мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ мегӯяд: «Мақсад аз баргузории чунин урдугоҳ- ин ба ҳам овардани ҷавонон аз тамоми минтақаҳои ҷумҳурӣ ва боз ҳам мустаҳкам намудани дӯстӣ миёни ҷавонон мебошад».
Ёдовар мешавем, ки лагери омӯзиши дар урдугоҳи «Ширкент»-и шаҳри Турсунзода 23 — юми октябр расман оғоз гардида то 26 – уми октябри соли равон идома меёбад..