Маъракаи иттилоотӣ дар Тоҷикистон

Душанбе, 28.10.15. (АМИТ «Ховар»). — Дар  Тоҷикистон маъракаи  иттилоотӣ  барои  баланд  бардоштани  сатҳи воқифияти  мактабиён  ва волидайн  аз   аҳамияти   ба даст  овардани таҳсилоти  хушсифат,  масоили  муҳоҷирати  меҳнатӣ ва   хавфи ҷалби  ҷавонон  ба   гурӯҳҳои  террористӣ  ҷараён дорад.
Дар  шабакаи  9 телевизиони  миллию  минтақавӣ  силсилаи мавзуъҳое  намоиш  дода  мешавад, ки   дар  ҷараёни онҳо  мутахассисони  бахши  маориф,  муҳоҷират,  ҳамчунин  коршиносони  маъруф  перомуни  имкониятҳои  таҳсил  дар донишкадаҳои Тоҷикистон,  Аврупо,  ИМА ва  кишварҳои дигар нақл  мекунанд. 
Сабабҳои ба  гурӯҳҳои  ифротталаб  пайвастани  ҷавонон танг  будани ҷаҳонбинӣ,  сатҳи  пасти  маънавӣ  ва  бесаводӣ  мебошад. 
Мақсад  аз  роҳандозии  лоиҳаи  мазкур  фароҳам овардани  шароити  иттилоотӣ барои  журналистон  ва  ҷалби таваҷҷуҳи мутахассисон  ба  мавзӯи  зикршуда аст.