Машғулияҳои омӯзишии геологҳои Финляндия

Душанбе, 21.10.15. (АМИТ «Ховар»). — Мутахассисони бахши  геологияи  Финляндия   аз  20  то  23  октябр  барои ҳамтоёни  тоҷикашон якчанд  машғулияти   омӯзишӣ  дар  мавзӯи «Афзуният ва истифодаи  захираҳои табиӣ барои беҳбудии  миллии  Тоҷикистон» доир  менамоянд. Машғулиятҳо  дар Сарраёсати   геологияи  Тоҷикистон  дар  ҳошияи  лоиҳаи ҳамкории миёни Сарраёсати  геологияи   назди Ҳукумати  Ҷумҳурии  Тоҷикистон ва  Хадамоти  геологии Финляндия  сурат  мегиранд. 
Дар  машғулиятҳо, ки   мавзӯи  асосиашон  омӯзиши   низоми иттилоотии  ҷуғрофӣ  аст, асосан мутахассисони  соҳа  ва  гидрогеологу  геологҳо  иштирок  менамоянд.