Мубодилаи мол байни Тоҷикистон ва Покистон коҳиш ёфтааст
Душанбе, 28.10.2015.(АМИТ «Ховар»).-Гардиши мол байни Ҷумҳурии Тоҷикистон ва Ҷумҳурии Исломии Покистон коҳиш ёфта, дар зарфи нӯҳ моҳи соли равон 50 миллион долларро ташкил дод, ки аз он 15 миллион доллар содирот ва 34,8 миллион доллар воридот мебошад. Ҳол он ки мубодилаи маҳсулот дар соли 2014 байни ду кишвар қариб 90 миллион доллар буд. Манзура Рустамова -муовини раиси Палатаи савдо ва саноати кишвар зимни нишасти матбуотӣ дар остонаи баргузории намоишгоҳи молҳои истеҳсолии Покистон, ки фардо дар «Кохи Борбад»-и пойтахт ифтитоҳ меёбад, доир ба ҳамкории иқтисодию тиҷоратии Тоҷикистону Покистон ибрози назар кард. Мавсуф гуфт, ки алҳол байни ду кишвар имкониятҳои бештар вуҷуд дошта, истифодаи самараноки онҳо ба таҳкими равобит ва рушди иқтисодиёти ҳар ду кишвар мусоидат менамояд.
Дар ин росто Тариқ Иқбол Сумро- Сафири Фавқулодда ва Мухтори Ҷумҳурии Исломии Покистон дар Ҷумҳурии Тоҷикистон зикр кард, ки сарони ҳар ду кишвар хостори ҳар чи бештар тақвият ёфтани ҳамкории иқтисодию тиҷоратӣ мебошанд. Дипломати покистонӣ роҷеъ ба самтҳои афзалиятноки таҳкими равобити мутақобилан судманди иқтисодии ду кишвар ибрози назар намуда, баргузории намоишгоҳи молҳои саноатии шаҳри Равалпиндиро дар Душанбе қадами муассир дар таҳкими равобити иқтисодию тиҷоратии Тоҷикистону Покистон арзёбӣ кард.
Ҳамзамон дар нишасти матбуотӣ Ҳумоюн Парвиз -президенти Палатаи савдо ва саноати шаҳри Равалпиндӣ доир ба ҳадафҳои баргузории намоишгоҳи молҳои истеҳсолии Покистон дар Душанбе сухан кард. Зикр шуд, ки намоишгоҳи мазкур бо ибтикори палатаҳои савдо ва саноати Тоҷикистон ва шаҳри Равалпиндӣ созмон дода шуда, дар он 25 ширкати покистонӣ маҳсулоти худ, назири газвор, атриёт, пойафзолҳои чармин, либос, маҳсулоти ғизоӣ, масолеҳи сохтмон, таҷҳизоти тиббӣ, саноат ва технологияҳои иттилотиро ба намоиш мегузоранд.
Инчунин интизор меравад, ки дар доираи баргузории намоишгоҳи молҳои истеҳсолии Покистон дар Душанбе ҳамоиши доираҳои тиҷоратии Тоҷикистону Покистон баргузор гардида, дар он масоили марбут ба рушди дурнамои равобити иқтисодию тиҷоратии ду кишвар матраҳ гардад.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
