Ҷойгоҳи назарраси фалак дар мусиқии тоҷик

Душанбе, 05.10.2015. (АМИТ «Ховар»).- 6 октябр соли 2015 дар Пажӯхишгоҳи илмӣ-тадқиқотии  фарҳанг ва иттилоот  таҳти унвони  «Ҷойгоҳи фалак дар мусиқии тоҷик», ки ба  Рӯзи Фалак бахшида мешавад, мизи мудаввар барпо мегардад.
     Дар назар аст, ки дар ҳамоиш дар мавзӯъҳои «Фалак-мусиқии ҳирфаӣ ва мардумии тоҷик», «Фалак дар эҷодиёти Абдуфаттоҳ Одинаев», «Намудҳои лаҳнии фалак», «Фалак дар рақси занонаи халқии тоҷикон», «Фалак ва ороиши мусиқии асарҳои саҳнавии муосир», «Фалак дар эҷодиёти гурӯғлихонон» маърӯзаҳо қироат гарданд.
Дар охири ҳамоиш намоиши китобҳои тозанашр доир  ба мусиқии фалак роҳандозӣ мешавад.