Ояндаи Ҳисор дурахшон аст

Ҳисор, 20.10.2015. (АМИТ «Ховар»). — То таҷлили ҷашни 3000- солагии Ҳисор камтар аз 10 рӯзи дигар монд, корҳои омодагӣ ба истиқболи ин иди бошукӯҳи миллат дар тамоми ҳудуди ноҳия босуръат идома доранд.
Корҳое, ки дар ҳамин 4-5 соли охир дар Ҳисор иҷро гардиданд, дар чандин даҳсолаҳои гузашта ба вуқӯъ наомада буданд. Алҳол Ҳисор ҳам симои идона ба бар намудааст ва ҳам сокинони сарбаланди ин диёри дилрабою дилписанд ба рӯҳияи идона ва  шодию нишот 3000- солагии Ҳисорро бо ширкати Президенти маҳбуби кишвар ва иштироки меҳмонони хеле зиёд аз дуру наздик бо шукӯҳу шаҳомати хосса истиқбол хоҳанд гирифт. Бо таҷлили ҷашни 3000- солагӣ корҳои созандагию ободкорӣ анҷом намеёбанд.
 Тибқи нақша дар даҳсолаи оянда дар наздикиҳои гардишгоҳи Ҳисор беш аз 1000 иншооти замонавӣ бунёд хоҳанд шуд.