Расонидани зарари вазнини ҷисмонӣ ба шаҳрванд

Душанбе, 20.10. 2015 (АМИТ «Ховар»). — Дар натиҷаи гузаронидани чорабиниҳои фаврӣ-ҷустуҷӯӣ сокини 59-солаи ноҳияи Шаҳринав, ки қаблан бо моддаи 154 Кодекси ҷиноятӣ суд шудааст, бо гумони расонидани зарари вазнини ҷисмонӣ дастгир гардид. Муайян карда шуд, ки номбурда рӯзи 19-уми октябри соли равон, тахминан соати 14-и рӯз, дар канори рости шоҳроҳи Душанбе-Турсунзода (ҳудуди ноҳияи Шаҳринав) бо сокини 24-солаи сокини ҳамин ноҳия ҷанҷол намуда, бо корд як маротиба ба қисмати рости шикамаш задааст. Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ шуд. Вобаста ба далели мазкур парвандаи ҷиноятӣ оғоз гардида, тафтиш идома дорад.