Роҳҳои вилояти Суғд беш аз нақша таъмир гардиданд

Душанбе, 12.10.2015. (АМИТ «Ховар»).- То 1 октябри соли ҷорӣ дар шаҳру ноҳияҳои вилояти Суғд  3393,6  км роҳҳои мошингард, аз ҷумла 131,1 км таъмири асосӣ , 1357,1 км таъмири ҷорӣ ва 1905,4 км шағалпӯш шуданд. Нисбат ба ҳамин давраи соли сипаригашта роҳҳои таъмиршуда 129,9%-ро ташкил доданд. Бо вуҷуди таъмин гардидани нақшаи таъмири роҳҳо, дар натиҷаи дар сатҳи паст қарор доштани корҳои ташвиқотию тарғиботӣ ҷиҳати ҷалби соҳибкорон, сокинон ва корхонаву муассисаҳо ба корҳои ободонию созандагӣ дар як зумра шаҳру ноҳияҳо нақшаи таъмири асосии роҳҳо ҳоло ҳам ба талабот ҷавобгӯй нест.