Шиканҷаи ДИИШ: Рақси танго бо ҷаллод

Душанбе, 19.10.2015. (АМИТ «Ховар»).-Даниел Утсон, аккоси 26-солаи донмаркӣ, рўзи якшанбе дар мусоҳибае бо расонаҳои маҳаллӣ аз шиканҷаҳои ваҳшиёнаи ДИИШ нақл карда, баъзе шиканҷаҳои аҷиби онҳоро ном бурд. Утсон бо ишора ба Муҳаммад Имвозӣ, мавсуф ба «Ҷон ҷиҳодӣ» гуфт: « Ў аз ман пурсид: оё мехоҳӣ бирақсӣ? Ва сипас маро баланд кард ва ман маҷбур будам бо ў танго бирақсам, намехостам ба онҳо нигоҳ кунам, дар сурати ба онҳо нигоҳ кардан ба ман шаллоқ мезаданд». Вай афзуд: « Имвозӣ ин рақсро дар саросари зиндон анҷом медод, аммо ногаҳон маро ба замин мезад ва онҳо бо мушту лагад маро зарба мезаданд». ДИИШ муддате баъд аз озодии Утсон, ки аз ҷониби хонаводааш тавассути боҷ озод шуд, теъдоде аз шаҳрвандони кишварҳои ғарбиро , ки ба асорати ДИИШ афтода буданд, сар бурид.