Симпозиуми байналмилалии илмии «Нақши Ҳисор дар таърихи тамаддуни Осиёи Марказӣ»

Октябрь 22, 2015 10:18

Душанбе, 22.10.2015. (АМИТ «Ховар»).-Рӯзи 22 октябри соли 2015  бо ибтикори  Академияи илмҳои Ҷумҳурии Тоҷикистон ва дастгирии мақомоти маҳаллии ҳокимияти давлатӣ дар ноҳияи Ҳисор бахшида ба 3000-солагии фарҳанги Ҳисор дар қасри фарҳанги ноҳияи Ҳисор Симпозиуми байналмилалии илмии  «Нақши Ҳисор  дар таърихи тамаддуни Осиёи Марказӣ» доир гардид. 
Дар кори он муовини Сарвазири Ҷумҳурии Тоҷикистон Марҳабо Ҷабборӣ, раиси ноҳияи Ҳисор Раҳмонзода Усмони   Сабз, вазири маориф ва илми Ҷумҳурии Тоҷикистон Нуриддин Саид, меҳмонон — профессор Франсис Ришар (Фаронса),  номзади илми таърих, ходими калони илмии Институти шарқшиносии Академияи илмҳои Русия Виноградова Наталия Матвеевна, профессор Масъуд Миршоҳӣ (Фаронса),  профессор, мудири кафедраи Донишгоҳи давлатии Гродно (Беларус)  Мартиненко Игор Эдуардович ва   корманди Ройзании Сафорати Ҷумҳурии Исломии Эрон Иброҳим Худоёр, ҳамчунин намояндагони вилояту ноҳияҳои ҷумҳурӣ, вазорату идораҳо, муассисаҳои илмӣ, муассисаҳои таҳсилоти олӣ, воситаҳои ахбори умум, хонандагони муассисаҳои таҳсилоти миёнаи ноҳияи Ҳисор, ҷамъулҷамъ 700 нафар иштирок намуданд. 
Фарҳод  Раҳимӣ — президенти  Академияи илмҳои Ҷумҳурии Тоҷикистон меҳмонон ва дигар иштирокдорони симпозиумро хайра мақдам гуфта, ба кори симпозиум оғоз бахшид. Дар ҷаласаи ифтитоҳии симпозиум бо сухани табрикотӣ муовини Сарвазири Ҷумҳурии Тоҷикистон Марҳабо Ҷабборӣ бо маърӯзаҳои илмӣ Фарҳод  Раҳимӣ-президенти  Академияи илмҳои Ҷумҳурии Тоҷикистон, профессор Франсис Ришар (Фаронса), номзади илми таърих, ходими калони илмии Институти шарқшиносии Академияи илмҳои Русия Виноградова Наталия Матвеевна, профессор Масъуд Миршоҳӣ (Фаронса),  профессор, мудири кафедраи Донишгоҳи давлатии Гродно (Беларус)  Мартиненко Игор Эдуардович ва  корманди Ройзании Сафорати Ҷумҳурии Исломии Эрон Иброҳим Худоёр баромад намуданд. Сипас кори симпозиум дар се бахш  идома ёфт ва дар онҳо зиёда аз 50  муҳаққиқи соҳаи таърих, бостоншиносӣ, фарҳанг ва адаб оид ба паҳлӯҳои гуногуни таърихи 3000-солагии Ҳисор маърӯзаҳои илмӣ намуданд.
     Дар ҷаласаи ҷамъбастӣ Баёнияи кори симпозиум қабул  шуд, ки дар он вазифаҳои минбаъдаи муҳаққиқони тоҷик дар ҳамкорӣ бо муҳаққиқони давлатҳои хориҷӣ дар омӯзишу таҳқиқи таърихи Ҳисор ва ёдгориҳои таърихиву фарҳангии водии Ҳисор зикр гардид.
Дар ин бора аз Шуъбаи илмӣ-ташкилии Раёсати АИ ҶТ хабар доданд.

 

Октябрь 22, 2015 10:18

Хабарҳои дигари ин бахш

Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд