Таркиши масҷид дар Покистон
Душанбе, 23.10.2015. (АМИТ «Ховар»). — Мақомоти Покистон мегўянд, дар паи як таркиш дар масҷиде дар ҷанубу ғарби ин кишвар 10 намозгузор кушта ва 12 нафари дигар захмӣ шудаанд. Ин ҳамла дар шаҳри Чолгорӣ, дар иёлоти ноороми Балуҷистон дар ҳудуди 170 километрии ҷанубу шарқи ин иёлот сурат гирифтааст.
Сарфароз Бугутӣ, вазири корҳои дохилии Балуҷистон ба хабаргузории Фаронса гуфт: « Пас аз ин ки як омили маргталаб худро дар як масҷид тарконид, ҳадди ақал 10 нафар кушта ва 12 тани дигар захмӣ шуданд».
Ба гуфтаи Бугутӣ шаш кўдаки аз 10 то 12 сола дар миёни кушташудагон буданд ва чанд зан низ қурбонии ин ҳодисаи террористӣ шуданд.