Таъсиси аввалин гурӯҳи ташаббускори «Роҳбаладони ҷавон»

Душанбе, 13.10.2015. (АМИТ «Ховар»).-Чанде пеш дар доираи семинари «Рушди туризми экологӣ бо мақсади беҳдошти сифати зиндагии аҳолии минтақаи дурдаст» дар ноҳияи Муъминобод бо иқдоми Кумитаи ҷавонон, варзиш ва сайёҳӣ ва Раёсати ҷавонон, варзиш ва сайёҳии вилояти Хатлон лоиҳаи нав- аввалин гурӯҳи ташаббускори «Роҳбаладони ҷавон» таъсис дода шуд.
 Гурӯҳи мазкур фаъолияташро барои тарғиби соҳаи туризми ноҳиявӣ, роҳбаладӣ намудан ба сайёҳони дохиливу хориҷӣ ва рушди саёҳати мактабӣ ба роҳ мемонад. 
Ба иттилои масъулин ин аввалин гурӯҳест, ки дар ин самт фаъолият мекунад ва таъсиси чунин гурӯҳҳо дар дигар шаҳру ноҳияҳои вилоят ба нақша гирифта шудааст.