Террористон димнаҳои Палмираро барои қатли мардум истифода намуданд

Душанбе, 27.10.15. (АМИТ «Ховар»). — Террористони «Давлати  исломӣ» димнаҳои  шаҳри  қадимаи Палмираи Сурияро  нест  карда, харобазорҳои онро  ба  макони қатли   шахсони  норозӣ  табдил  медиҳанд.
Тавре  ки  нашрияи Daily Sabah — и  Туркия   хабар медиҳад,  ҷангиёни  «Давлати  исломӣ»  дар  Палмира се  нафарро қатл  намуданд. Онҳо   асиронро  ба сутунҳо баста, баъд онҳоро таркониданд. Назар  ба  иттилои   шабакаи телевизионии Аl Arabiya (Ал — Арабия),  созмони  ҳифзи  ҳуқуқи  Сурия  воқеъ  дар  Британияи  Кабир  дар  ин  бора   хабар  додааст. 
Мувофиқи  маълумоти  нашрия,  ҳалокшудагонро  дар  шаҳри  Палмира  ва  канорҳои  он  дастгир  намуда буданд.  Сабабҳои  қатли онҳо аниқ  карда  намешавад. 
Исломгароён  моҳи  майи  соли  2015  шаҳри  Палмираро   забт  намуда,  ҳамоно  ба  нест  кардани ёдгориҳои  таърихии он  шурӯъ  карданд. Онҳо,  аз ҷумла,  қисми  зиёди  маъбади Белро, ки  яке  аз  ёдгориҳои  бузургтарини  бостоншиносии  ҷаҳон  ба  шумор  мерафт, нест  карданд. Террористон кирдорҳои  худро ба он маънидод  мекунанд, ки  маъбадҳоро  ҳанӯз  пеш  аз  ба  миён  омадани  ислом  бутпарастон  сохта  буданд.