Восеъ: ярмаркаҳо барои дарёфти ҷои кор мусоидат мекунанд

 Восеъ,   07.10.2015. ( АМИТ  « Ховар»).- Тибқи нақшаи Агентии меҳнат  ва шуғли аҳолии ҶТ  барои гузаронидани ярмаркаи  ҷойҳои корӣ ва вазифаҳои озод   дар соли 2015  шуъбаи Агентии меҳнат  ва шуғли аҳолӣ  дар ноҳияи Восеъ 10 маротиба  ярмаркаи ҷойҳои корӣ ва вазифаҳои озодро  доир кард, ки мақсади он рушди бемайлони  сатҳи шуғлнокии аҳолӣ, ташкили шароити муосир  барои  корхона,  ташкилоту муассисаҳо  барои дарёфти  корманди мувофиқ  ва ба шаҳрвандони бекор  дарёфти кори мувофиқ буд.  
Тибқи иттилои  сардори шуъбаи агентии мазкур Маҳмадисо Қурбонов дар ин давра  аз ҷониби  ташкилоту муассисаҳои ноҳия 154  ҷойи корӣ  пешниҳод шуда, инчунин 79 шаҳрванди бекор  ба корҳои доимӣ, 32 нафар ба корҳои ҷамъиятӣ ва 200  ҷавон, занону духтарон  барои касбомӯзӣ роҳхат гирифтанд.