Қаноатмандии Эмомалӣ Раҳмон ва Муҳаммад Навоз Шариф аз натиҷаҳои мулоқоту музокироти сатҳи олӣ

Душанбе, 12.11.2015 (АМИТ “Ховар” ).- Имрӯз дар Исломобод зимни нишасти матбуотӣ Президенти Ҷумҳурии Тоҷикистон Эмомалӣ Раҳмон ва Сарвазири Ҷумҳурии Исломии Покистон Муҳаммад Навоз Шариф аз натиҷаҳои мулоқоту музокирот изҳори қаноатмандӣ намуда, бори дигар ҳавасмандии ду кишвари дӯстро ба густариши бештари робитаҳои судбахш таъйид намуданд.
Сарвазири Ҷумҳурии Исломии Покистон Муҳаммад Навоз Шариф муносиботи ду кишварро дар минтақа дорои ояндаи умедбахш номида, аз ҷумла изҳор дошт, ки: “Покистон ба густариши ҳамаҷонибаи робитаҳои судбахш бо Тоҷикистон амиқан ҳавасманд аст”.
Сарвари давлати Тоҷикистон Эмомалӣ Раҳмон, аз ҷумла изҳор дошт: “Ҳарду ҷониб ҳамфикр буданд, ки ҳамкории фарох, фарогир ва созандаи ду кишвар ҷавобгӯи комили манфиатҳои дарозмуддати мардумони мо, густариши ҳамгироии минтақавӣ ва таҳкими сулҳу субот дар минтақа мебошад”.