Бадахшон: Сафари гурӯҳи кории Кумитаи ҷавонон, варзиш ва сайёҳӣ бо мақсади тарғиби сайёҳӣ

Душанбе, 9.11.2015. (АМИТ «Ховар).- Гурӯҳи кории Кумитаи ҷавонон, варзиш ва сайёҳӣ аз 30 октябр то 8 ноябри соли 2015 дар доираи баргузории силсилаи чорабиниҳои фарҳангиву маърифатӣ, суҳбату мулоқот, чорабиниҳои варзишӣ ва муаррифии имкониятҳои туристӣ ба шаҳру ноҳияҳои ВМКБ сафар намуд. 
Дар доираи ин сафар аз ҷониби Барномаи «Сарзамини беназир»-и Шабакаи якуми телевизиони Тоҷикистон хатсайрҳои туристӣ ва имконияту захираҳои бойи туризми дохилӣ ба навор гирифта мешаванд. 
Хотиррасон менамоем, ки дар робита ба ин 3 ноябри соли 2015 дар шаҳри Хоруғ Конфронси минтақавӣ оид ба беҳтар намудани сифати хизматрасонии туризм дар ВМКБ бо иштироки намояндагони туризми ҷумҳурӣ, коршиносон ва ширкатҳои пешқадами сайёҳӣ баргузор гардид.