«Бозёфтҳо» муайян шуданд

Душанбе, 13.11.2015. (АМИТ «Ховар).-Дар Донишкадаи политехникии Донишгоҳи техникии Тоҷикистон ба номи  академик М. Осимӣ  даври аввали озмуни телевизионии  ихтироъкорони наврас таҳти унвони  «Бозёфт» баргузор гардид.
Дар озмун 32  хонандаи муассисаҳои таҳсилоти миёнаи умумии шаҳру ноҳияҳои Хуҷанд, Б. Ғафуров, Истаравшан, Конибодом, Ашт, Исфара, Ғончӣ, Панҷакент, Шаҳристон, Зафаробод, Ҷ.Расулов ва Мастчоҳ  иштирок намуданд.
Озмунро устодону олимони  донишкада Шаҳодат Шарипова, Абдулло Насруллоев, Охунбобо Раҳимов ва Одилхӯҷа Солиев  баҳогузорӣ намуданд.
Дар ҷамъбаст 12 хонандаи муассисаҳои таҳсилоти миёнаи умумии шаҳри Хуҷанд, Истаравшан, Зафаробод, Конибодом, Исфара ва Панҷакент ғолиб дониста шуда, онҳо дар даври дуюми озмун, ки моҳи январи соли 2016 дар шаҳри Душанбе баргузор мегардад, иштирок мекунанд.